Kajkavska cajtmašina
Kiseli vuGorki
(V)SE( )ZONA KIS(S)ELE VUGORKOV
Kolovoz i okolo-vozi
IŠLA MAR(T)A Z KOLOVOZA (kolodvora)
Kiseli c(j)elovi, KIS(S-CJ)EL(OV)I, Küsschen-i, kušleci
Varaždinske vesti, br. 3631, 04.08. 2014.
Piše prof. Barica Pahič
KAJ je naše pitanje i naš odgovor
Ovelietna “Srebrna cesta” i kratka priča
“Srebrna cesta” ima svoju vernu publiku. Ona je skorem dvie vure strpljive poslušala priče štere su čitali sami autori. Tematika tretierana f temi pričami bila je zbilja raznorodna i šarolika, a nieje faljele ni onie štere su mogle nasmijati publiku. Ipak, muora se priznati da su nešterni teksti bili predugi za, bumo rekli, estradne čitanje. Kratke priče bi trebale biti stvarne kratke, a čitanje nie dukše od pet minut. Poželjne bi bile da bude i krajše.
F petak 1. kolovoza ovega 2014. leta v atriju Starega grada znovič su, več 14. put, Varaždinske književne društve i Koncertni ured Varaždin organizierali manifestaciju “Srebrna cesta”.
Ove lietne kulturne dogajanje, kak je več siem poznate, pod tiem se imenom organiziera v počast pesniku Gustavu Krklecu i njegve antologijske istoimene pesme. Ideja za tu manifestaciju potieče još od sedamdesetih liet, gda je pod tiem imenom raspisivan književni natječaj, a VKD ju je oživil i dal ji nueve sadržaje; od nastupov mladih pesnikov šteri su dohajali z raznih krajev Hrvatske do (radi pomanjkanja penez) zapiranja vu varaždinske okvire, bolj reči v okvire VKD-a. Ovega leta nie bile ni glazbene pratnje pa je se svedene na čitanje pripovetki. Uvodna rieč i ravnanje dogajanjem bile je “pod dirigentskom palicom” predsednika VKD-a Nenada Slukića. Svečanest v posebnem ozračju Starega grada pričela je, po običaju, čitanjem Krklecove pesme, kaj treba poslužiti za stvaranje posebne atmosfere. Čitala ju je Ana Brđanović, studentica glume.
Nastupili su književne publike več poznati varaždinski autori; Ivica Jembrih Cobovički, Đuro Jelavić, Iva Tkalec, Izidor Furjan, Petar Žitnik, Zlata Bogović, Ružica Marušić-Vasilić, Mira Šincek i Nada Bogojević, a priču Božene Filipan, štera radi bolesti ni mogla dojti, pročital je Tugomir Orak.
“Srebrna cesta” ima svoju vernu publiku. Ona je skorem dvie vure strpljive poslušala priče štere su čitali sami autori. Tematika tretierana f temi pričami bila je zbilja raznorodna i šarolika, a nieje faljele ni onie štere su mogle nasmijati publiku. Ipak, muora se priznati da su nešterni teksti bili predugi za, bumo rekli, estradne čitanje. Kratke priče bi trebale biti stvarne kratke, a čitanje nie dukše od pet minut. Poželjne bi bile da bude i krajše. Dukše priče, kak god bile zanimljive i šalne, pogodnejše su za osobne čitanje pojedinca i intimne proživljavanje pročitanega. Ženski diel VKD-a je v nastupu bil bolj zanimljivi i prihvatljivi. Priče ženskih članica Društva su bile krajše, a nastupi efektniji zate kaj su čitane glasne, razgovetne i interpretativnije. Pogotove se tuo more reči za Ružicu Marušić i njenu priču “Anđelijini anđeli” i Nadu Bogojević, štera je svoju priču “Moja strina Aljbina” napisala na razgovorne kajkavščine kaj je bile posebne dopadljive.
Se je dokončane druženjem autora i publike na skromnem domjenku gde su se pretresali nastupi, sadržaj svečanesti i iznašale ideje za “Srebrnu cestu” v 2015. letu.
Zvir:
str. 23 sim:
http://varazdinske-vijesti.hr/pdf/3631.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
Srebrna cesta – Ibrica Jusić, 03:30
https://www.youtube.com/watch?v=EB-QENLmEog
IBRICA JUSIĆ – Popevke sem slagal, 01:37
