Več dva tjedne sam v SDP-ejo. Od kak sam prešel v SDP-e furt imam probleme kak z glavom tak i z črevima.
Dva tjedne sam zdržal i več sam za nikaj, kaj znači da sam več ne za takše napore kakše od mene projektlin SDP-e išče.

* * * * * * * * * * * * * * * * * * * * * * * * * * *

Međimurske novine, br. 995, 10.10.2014.
e-vundano 13.10.2014.

Piše: Jožek radnik

Premišlavanje Jožeka radnika

Več dva tjedne sam v SDP-ejo. Od kak sam prešel v SDP-e furt imam probleme kak z glavom tak i z črevima.
Dva tjedne sam zdržal i več sam za nikaj, kaj znači da sam več ne za takše napore kakše od mene projektlin SDP-e išče.
Nesam vam ja za reforme i revolucije i najte me več zvati vi SDP-eovci šteri vsakio den pijete, a to morete zdržati. Najte na mene več računati, vidite da sam ne ja vam par. Morete mi reči da sam za nikaj, da sam strahopezdec, da sam ne muško, ampak ja več nebrem i šljus!

Nebrem razmeti nas Međimorce. Nebremo nikak pozabiti to kaj se zamjenica Sandra Herman malo pelala po škarpi i kaj si je malo spila z pajdašijom. Prosim vas lepo nek se javi što se od nas nigdar ne pelal po škarpi, bar malo, i što je ne nigdar vozil dok si je malo spil z pajdašijom. Vsi znamo da dok si malo spijemo da smo unda nejspametneši, da vse nejbole znamo i da nam unda nišči, niti z pištolom, nebre volana zeti z rok. Vse ono kaj mi zahuzamo skrivlemo kak moček dreka, a na druge z prstom kažemo. I to vsaki den znova. Nejleži je v ljuckomo dvoriščo reda delati, ampak je pre sebi doma navek bilo čuda teži. Nebrem vas (nas) razmeti, kaj smo jalni Sandri kaj je fajna, kaj se razme v politiko, posel, kaj je dauko do gurala ili pak drugač nebremo dojti do je nek jo na red pobiramo. A vsi znamo da to žene nemajo rade. Prosim vas lepo vsaki od nas, šteri je brez greha kaj se pijače dotikavle, očem reči, vožnje z maliganima v glavi, nek prvi hiti kamena na Sandro. Vi tam desno, najte kameje jemati v roke, pak ste z krčme došli.

Vulica Iveka Gorana, a k tomo i Kovačića v čakoskoj varoši je bila sama jama, pak so se gracki oci pobrigali kaj se v red dotira. Najme kaj, Macanovo igrališče se zrihtalo, stare polstoljetne dreve smo vum skopali i posadili mlade pred šterima je svetla budućnost (kak i pred grackim ocima) i mom posle toga trelo je zrihtati i v red dotirati celoga kvarta. Tak je i napravleno. Sve je fajno dok je novo, kak i žene (čitaj: puce) dok so mlade. Nove ceste, novi asfalt i nova regulacija prometa. E, tu sam vas čekal. Hajdig se je stručnjakov za gracki promet motalo okoli Macanovoga doma i ve skorom nikaj ne štima. A za vse bode kriv zamjenik Mario Medved, on je gazda. Vse je lepo i dobro ak se dopelate z rotora polek pošte i očete parkerati ozaj za Macanovim igrališčom jerbo ve po novomo morete nutri, a toga ga ne do ve bilo. Ali vekši je vrag ak očete dojti na parking z Goranove vulice jerbo se ve z te strane nebre nutri, tak da ve tre nejpredi oditi na rotor pre bolnici, a posle se tre otpelati i do rotora pre pošti i ak vam ne dojde momica od dva rotore na tak kratkom placo, stopram unda bodete mogli postati i dehnuti si na Macanovom parking-placo. Nebrem razmeti zakaj se nej moglo zrihtati kaj bi se i dale hodalo nutri i z jedne i druge vulice, a vum bi se hodalo sam na Goranovo vulico, kak je i do ve bilo. Unda se bodemo pak čudili ak bode nekomo momica od teh rotorov, pak nam se bode, ničim izazvan (ili pak izazvana) otpelauv v škarpo ili polek ceste. I unda ga bodejo policaji, političari, a i mi drugi, na red pobirali.

Naša državna delegacija (premijer i jegov sin) so bili v Ameriki i išli so glet kaj ima novoga med kompjuteraj i kompjuterskoj tehniki. Zazvedili smo da so kaj de bili i da so hajdig toga vidli. Kuliko smo čuli, bili so i v nejstarešoj američkoj fabriki, štera je odnegda bila napre od vsima. Tam je još navek glavni manager, inženjer i projektant jeden čovek i vse se dela kak on to zaprdne. A te čovek je poglavica Bik Šteri Sedi. Trelo je i to videti, vsi se mejajo, dohajajo i othajajo, a on ostaja. A ve sam sedi jerbo je več stari kak matuzalem, pak se nebre stati. I unda mi nek nešči reče da se ne muoči othrvati kompjuterima i napretko. Ak morejo indijaneri, unda moremo i mi. Pak smo mi ne bedasteši od jif.

Kaj bodemo rekli, bole je, a i pošteneše da priznamo kak smo več malo pozabili na jega. A to vam jega vužge, tak da naš srebreni olimpijac (ve več znate o komo govorim) Filip Fičo Ude pak jaše. Zmislite se kak ga je v minulim cajtima koj parpot vritnul i hitil doli, ampak so se ve znova pomirili i vse ide kak po žnorici i to onak kak Fičo nejbole more, a mi očemo kaj bi furt tak bilo. Kak bilo da bilo, Fičo je pokazal vsima, nam i celomo sveto, da je još ne za staro železo, a mi znamo da pak konja za trko (i to svecko) imamo.

Več dva tjedne sam v SDP-ejo. Od kak sam prešel v SDP-e furt imam probleme kak z glavom tak i z črevima. Kak saki den pijem, spametneši popuščajo, pak me glava tak boli posle prekratke noči kaj si moram vjutro obroče mejati, jerbo se alkoholne, očem reči, vinske pare ne ftegnejo rezljuftati nek se vužgejo. A nekaj slično je i z želocom i črevima gde ga preveč tekočih artiklov, očem reči, gemištov, a premalo plodova koca, pak unda, največpot, te gemišti preletijo kak črez tenka, tak i črez debela čreva. Dva tjedne sam zdržal i več sam za nikaj, kaj znači da sam več ne za takše napore kakše od mene projektlin SDP-e išče. Najbrž bodem se povlekel z bojnoga polja, očem reči, napustil bodem SDP-e, prestal bodem saki den piti i vrnul se bom v mirneše vode. Neje tuo za mene, a i teško je staroga koja vučiti voziti, očem reči, navlačiti ga na nove navike. Kak vidite čovek mora vse trenerati, bez redovitoga treninga ne muoči niti vsaki den piti. Trpi glava, trpi želodec, skeščijo čreva, a i žepi se furt bunijo. Jedino mi je glava furt bila puna vinske duhe, a želodec i čreva so se proti praznili, kak i žepi. Nesam ftegnul po dnevo zaslužiti kuliko sam po noči zalužil. V tem betego nebrete nikaj dobiti na receptlin, a niti evropski fondovi vam nikaj ne davlejo za te posle v takšoj radionici. Nesam vam ja za reforme i revolucije i najte me več zvati vi SDP-eovci šteri vsakio den pijete, a to morete zdržati. Najte na mene več računati, vidite da sam ne ja vam par. Morete mi reči da sam za nikaj, da sam strahopezdec, da sam ne muško, ampak ja več nebrem i šljus!

Minuli tjeden ga bilo hajdig lepih dnevov, skorom vejč nek v augustušo, pak vam je soseda Barika hitila na vrt svoje (morete misliti kakše) telo kaj pobere ove zadje toplo sonce. Ona vam študera na Velikomo učilišto. Mel sam pisanoga časa, pak sam jo jeden čas gledal ili kak so to pokojni japica znali reči, pasel sam si oči. Morem vam reči da se furt igrala z mobitelom. Neje mela onoga maloga kakše žene nejrajši imajo, bil je on nekši vekši, cifrasti i lopošnati. Terlockala ga je v rokami, drkala je po jemo vsako malo, dela ga je počivat med zizeke, a dok si je štela levo strano posunčati, unda ga je porinula negdi izmeđo. Znate vi več kam. I kaj se unda čudite kaj je sosedo došla želja kaj bi bil mobitel. Dok sam napuščal čeko dala mo je i puso. Najbrž joj je nešči poslal nekšo slikico. Nekaj sam si gruntal, bole da sam si malo predremal nek da sam prek blanjki gledal, jerbo je i of moj pospanec furt gori glavo rival. Teško je kontrolerati svoje, a kaj nebom nekaj za sosedo rekel.

Zvir:
http://www.mnovine.hr/kolumne/Jožek%20radnik/1/Dva%20tjedne%20sam%20v%20SDP-ejo%20zdržal
i(l) str. 56. sim:
http://issuu.com/mnovine/docs/mnovine995i
i(l) str. 56. sim (?):
http://www.mnovine.hr/images/pdf/995/mnovine995i.pdf        (?)

* * * * * * * * * * * * * * * * * * * * * * * * * * * * * * * * * * *

Mladen Medak Gaga – Jezuš, dečki, kak me hiče, 03:59