Je, i ovega leta sme imeli Ruoduševe, za cieli narod hervatski. Čist na drugi, bumo rekli moderniji mačin! Bile je v nedelju i bili su izbori za predsednika naše deržave. Kak god sem se branila, od izborov niesem mogla pobieči.

* * * * *
Varaždinske vesti, br. 3654, 13.01. 2015.

Piše prof. Barica Pahič

Je, i ovega leta sme imeli Ruoduševe, za cieli narod hervatski. Čist na drugi, bumo rekli moderniji mačin! Bile je v nedelju i bili su izbori za predsednika naše deržave. Kak god sem se branila, od izborov niesem mogla pobieči.

Bil je Božični post pa sme postili, Buožič pa se prenajedali i ponapili, Štiefanje pa sme se treznili, Januševe pa sme jeli same ostanjke od Božiča i tak se do Ruodeševega ili Herodoševoga, dneva v spomen na pomor muške dece od kralja Heroda ili Heroduša, šteri je štel vubiti tek rođenega Buežjega sina pa dal pobiti su mušku decu. Tak piše v Biblije. Na tie dien sme, kak deca, za šalu male duobili po riti.

Je, i ovega leta sme imeli Ruoduševe, za cieli narod hervatski. Čist na drugi, bumo rekli moderniji mačin! Bile je v nedelju i bili su izbori za predsednika naše deržave. Kak god sem se branila, od izborov niesem mogla pobieči. Cielega dneva mi je bile nekak dugečasne i vrag me natental da otprem televizor za emisiju „Tvoje lice zvuči poznato“. Da lice zvuči, zbilja je znenađujuča stilistička finta. Opala je f prikladne vrieme pak sme mogli videti i kak zvuče poznata lica političarov. Sredi emisije su hičeni izbori. I bile je napete. Pogotove ona izvešča o tem kak su prešli kandidati, največ dvoje glavnih; Kolinda (dame napre) i Josipović (za znuovič). Čas bliže, čas dalje! Na kraju čist blizu! Najvekše znenađenje je bil I. V. Sinčić. On, kak sem čula, nalikuje male na svečenika Suca, male na bitlza. (Nekoji su rekli da z lasmi podseča na mladega Čehoka i naj dobre pazi da ne prejde kak on.) Kak god da su se v kampanje kandidati „verbalno šamarali“, Sinčić je (deminutivec obični) ostal pri svomu.

One dvoje mu je pričele laskati. Hočeju se prišmajhlati za glase njegvih biračov v druge runde. Govorili su da je i njiev program isti same zrečen drugimi rečmi. Jedini je Dr. prihvatil poraz, ali je govoril i o semenu. Hm, je li bu z njega žita? Gda je bile jasne kie muora iti v drugi krug, pričele je. Ljudi moji! Kaj tu sega niesme čuli! Gospođa Kolinda, kak fina dama, nie ništ špotala, neg siem čestitala pa i oniem šteri su glasali protiv nje. Njejni su mahali z zastavami, a ona z rukami, smejala se, obečavala i pozivala na zajedništve. Protivniki su rekli da je dvoličnest. Ivo je bil čist konkreten. Dogodile se da je več put zgovoril i rieč Hrvatska, štera mu nie mogla prejti priek vusnic ni pri prisege.

Došle mu je v glavu čiji je predsednik i pričel je vdirati v domoljubne tipke, spominjati pune kervi, brinuti se kie je, a kie nie zaslužil Hrvatsku. (Morti je zarazmel šatoraše v Savske.) Nikak oni šteri su ju pokrali! Počel je s“mi“ i „oni“, ali mic po mic, zazvučal kak Kolinda. No je, nieje med svojemi primetil Mesića. Neki veliju da je mahal z australskim dolarskim čekom. Ne verujem.

Naše Ruodeševe ipak nie gotove. Još bu vraga, velim vam!

Zvir:
http://varazdinske-vijesti.hr/kaj-je-nase-pitanje-i-nas-odgovor/ruodeseve-je-jos-nie-gotove.html
i(l) str. 23.  sim
http://varazdinske-vijesti.hr/pdf/3654.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1

Teta Liza i Lado – Deca, moja deca, 03:01
https://www.youtube.com/watch?v=wIgQD_785OI

Nevina de(či)ca
Žiga-žaga band, Deca moja deca, 04:42