Na puol strane su napredni i urbanizierani, na vlasti ili pri vlasti gdi hočeju ostati, a na druge polovine su ruralci, nazadnjaki i domoljubi vu tienke večine. Ali su duobili izbore. Kaj je skandalozne za one perve. No, s tiem još nie gotove.

  <—-ŠPAGA

Varaždinske vesti, br. 3655, 20.01. 2015.

Piše Barica Pahič

Na puol strane su napredni i urbanizierani, na vlasti ili pri vlasti gdi hočeju ostati, a na druge polovine su ruralci, nazadnjaki i domoljubi vu tienke večine. Ali su duobili izbore. Kaj je skandalozne za one perve. No, s tiem još nie gotove. Špagica se nazaj zategnula pa gubitniki znovič prebrajaju glasove i iščeju luknju v zakonu da bi Kolindu Grabar Kitarević spriečili da bude predsednica. I još k tomu s HDZ-a. (Pokle su gubitniki priznali da je naglašavanje hadeze–krađe bila loša taktika.) Vutem se otkrile da je nam najslapša stran matematika. I tuo nie infinitezimalni račun, neg obične zbrajanje i oduzimanje.

Bile je napete. Nacija je derhtala v nedeljnu večer v čekanju rezultatov na izborima. Gda su se na TV-u vidle one dvie slikice kandidatov, a pod njimi i postotki glasov štere je kie duobil, ja sem med njimi vidla (same v svoji glavi) i treču spodobu, božicu Pravdu (Justitiu) z povezanimi očmi i z vagicu v rukami.

Onie povez priek joči bi trebal značiti da nesme ništ videti, neg same osečati na šteri strani vage je več dokazov pravice. Morti baš zate ne vidi kie ji zdelice dokazov natieže. Sejene Ivi nie pretegnul ni onie novček z božične pogače. Vagica je podrhtavala i pretiezala ve na jenu, ve na drugu stran. Za čist male, a špaga se natiezala. Gda sme več pri špagi, nie zgorega reči da je s špagu, bolj reči drietu, posla imel i ex-kandidat za predsednika šteri nie maral za izbore, neg za one štere iseljavaju f Knegincu pa pokazal svoju solidarnest z ljudmi v nevolji. Če i neuspešne. Je, onda je zgledele da je špaga pukla. Ali je nie. Same je ftvrđene da je nacija rasciepljena po svetonazorske crte.

Na puol strane su napredni i urbanizierani, na vlasti ili pri vlasti gdi hočeju ostati, a na druge polovine su ruralci, nazadnjaki i domoljubi vu tienke večine. Ali su duobili izbore. Kaj je skandalozne za one perve. No, s tiem još nie gotove. Špagica se nazaj zategnula pa gubitniki znovič prebrajaju glasove i iščeju luknju v zakonu da bi Kolindu Grabar Kitarević spriečili da bude predsednica. I još k tomu s HDZ-a. (Pokle su gubitniki priznali da je naglašavanje hadeze–krađe bila loša taktika.) Vutem se otkrile da je nam najslapša stran matematika. I tuo nie infinitezimalni račun, neg obične zbrajanje i oduzimanje.

A kak i nebi gda nam je školstve v riti. A v riti nam je i gospodarstve i pravna znanest. Nikak prečteti i razmeti kaj piše v zakonu, maker su ga pisali oni šteri čitaju i zakone npr. na francuskem. Tuo pod sumnju dievlje i hervatski jezik. Bolj bi se razmele gda se čitale na hrvatskosrpskem ili kak več. Špaga se zatieže i na tem kaj je ili nie dužnest predsednika deržave. Ženska pak predsednica? I kak tuo spojiti s tiem da su protiv nje uprav napredni?

K tomu jim se ni ne oblači ni ne šminka po ukusu. I savetuju ju; kupovati drukčešu obleku, drugač farbati lasi, nikak dievati broše. Kaj zaposliti modne savetnike meste one za gospodarstve? Promeniti se f semu do neprepoznatljivosti? I ja ju nekaj savetujem ak razme kajkavski. Pobedila je zate kaj je trdila da ona zna, hoče i more. Sad pak i muora. Ak pa nebu, bu se gospodski oprostila. Kak i Josipović.

Zvir:
http://varazdinske-vijesti.hr/kaj-je-nase-pitanje-i-nas-odgovor/vaga-i-spaga.html
i(l) str. 23 sim:
http://varazdinske-vijesti.hr/pdf/3655.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1

* * * * * * ** * *

VA(R )GA
KUD ZABOK, ZAGORSKI PLESOVI, DRAŽEN VARGA, 03:14