Najgerek sam kam bode itak odišel drug Tito? Je li bode i on odišel na Faks za pravico (mortik i tam nucajo šlosara) ili pak bode ostal v politiki gde je navek i bil?

* * * * *

Međimurske novine, br. 1010, 23.01.2015.
e-vundano 26.01.2015.

Piše: Jožek radnik

Črez mesec dni se drug Tito seli z Pantovčaka. Najte me nikaj čudno gledati, kaj ste pozabili kaj je Ivo rekel: Tak dugo dok je on tam bode i drug Tito žnjim, a ve on ide, pak bode brzčas i drug Tito odišel žnjim. Najgerek sam kam bode itak odišel drug Tito? Je li bode i on odišel na Faks za pravico (mortik i tam nucajo šlosara) ili pak bode ostal v politiki gde je navek i bil? No, ne kanim se pravzaprav zbogradi toga preveč sekerati, za Fašnik bodemo vse znali. A Fašnik je ne preveč dauko.

Kak je lepo živeti v Lepoj našoj, a još je lepše zbirati precednika, očem reči, precednico. Najme kaj, hodili smo glase davat, jeni so drukali za druga, a drugi za precednico, a posle izborov se zazvedilo da so vsi pobedili. I levi i desni i črleni i plavi, vsi feštajo. Ipak, kak je da je, ipak so na desnoj strani malo vekše fešte jerbo je Kolinda, za prsa, pobedila Ivija, a te jene atribute, štere joj je Božek dal, je zapazilo biračko telo, a posebno moško i dok so se sorterali glasi malo vekši kupček je bil na desnoj strani. Kak bilo da bilo, ipak je čuda lepše pobediti, a ve je na Kolindi kaj opravda ove naše glase, očem reči, nek dela tak kaj se bomo i dale štimali žnjom!

 Lepo nam je obečal prvi, očem reči, vodeči međimorski hadezeovec, Darkec Horvatov, kak naša i hrvaška nova precednica Kolinda Grabar Kitarović ne bode pozabila na nas Međimorce, šteri smo joj svoje glase dali na minulim izborima. Nekaj si gruntam, kak nas je strašno čuda bilo, ona bi mogla, kaj održi reč štero je Darkec dal, jen den dojti v Međimorje i obiti celo svoje biračko telo i vsakomo se zafaliti, stisnoti mo roko i nagraditi ga z svojim lepim osmjehom šteri osvaja. Ona je pragmatična žena, kuliko smo vidli v ovih par dni otkak je zebrana i najbrž bode tak naprajla.

Črez mesec dni se drug Tito seli z Pantovčaka. Najte me nikaj čudno gledati, kaj ste pozabili kaj je Ivo rekel: Tak dugo dok je on tam bode i drug Tito žnjim, a ve on ide, pak bode brzčas i drug Tito odišel žnjim. Najgerek sam kam bode itak odišel drug Tito? Je li bode i on odišel na Faks za pravico (mortik i tam nucajo šlosara) ili pak bode ostal v politiki gde je navek i bil? No, ne kanim se pravzaprav zbogradi toga preveč sekerati, za Fašnik bodemo vse znali. A Fašnik je ne preveč dauko.

Državno izborno poverenstvo je potvrdilo da je na izborima za precednika pobedila Kolinda i da bodemo ve pet let meli precednico, a kaj to znači da so izbori još navek ne gotovi za precednika Vlade Zokija Milanoviča i jegovo prvo potprecednico Vesno Pusič. Oni so žilavi kak sam vrag i još se navek nadjajo da se bode pripetilo čudo i da bode Ivo i dale ostal na Pantovčako. Zakaj smo Ivija išli mejat ak so se oni tak lepo privčili jedni na druge?

Ivek Josipovičov, šteri broji zadje precedničke dneve, je mel pravoga izbornoga slogana i iskal je pravoga pota sam kaj ostane tam gde je bil, a posle kak mo je Kolinda zela mero pravoga pota so našli jegovi savjetniki, šteri so spakerali kufre i genuli z Pantovčaka. A kam? Vsaki na svojo strano, kak rakova deca. Pet let so živeli kak bubregi v lojo, nikaj so preveč ne delali, nišči je to od jiv niti ne iskal tak da je od jiv ne bilo bilo skorom nikšega hasna. Bar smo mi obični smrtniki to ne primetili, očem reči, toga hasna. Nesam mogel nikak zazvediti kuliko so penez povlekli z državne kase, vu svoje žepe, za teh pet let, ali znate da so ne malo koštali. Oni, jive žene, ljubavnice (kakši je to savjetnik precednika države šteri nema bar jedno ljubavnico ili pak ljubavnika?), deca, kartice, očem reči, nejso bili maloga stroška. A vse smo to mi težaki i porezni obvezniki morali namiriti. Morem si misliti kuliko je težačkih žepov ostalo na pol prazno kaj so se vsi te lačni zobi na Pantovčako mogli nahraniti?

Precednik Vlade, Zoki Milanovič furt kaže z prstom na svoje političke protivnike da so oni lopovi i da vse zlo ovoga našega hrvaškoga sveta dohaja z te strane. Nekak si gruntam da je niti Zoki ne takši poštejak kak bi on štel kaj bi mi veruvali jerbo se v državnoj kasi nabere hajdi penez, prek vsih porezi i nameti, a minister za peneze, Boris Lalovac, mora vsaki čas iti prek meje po novoga zajma. Jako sam najgerek gde so pak unda penezi ak nišči ne krade, a nikaj se ne dela? Kaj ne bo zišlo kak v čakoskomo Stanorado da so penezi vseposot cureli nekam drugam, mortik i v privatne žepe i da so lukje čuda vekše nek so i nejvekši protivniki, stare postave na vlasti, mislili? Što bi si da mislil da se je v tak maloj fabriki tak čuda penez vrtelo i to mimo kase, mimo paperov i to tak da so ovi v nadzornomo odboro o tomo pojma ne meli.

Nebrem si nikak pregruntati, pak bi vas prosil kaj mi pomorete: čiji je, itak, minister Fred Matič? Zoki i jegova družba velijo da je on minister branitelov, a oni ga ne priznajo i iščejo jegovovo ostavko. Velijo: niti smo ga mi zebrali, niti on ne zna kaj mi očemo, niti ne dela kaj bi nam bilo bole. I još velijo, kaj se rata dotikavle da je Fred luka ne jel, a niti preveč podihaval. Ne priznajo niti jega, a niti mladoga Glavaševiča. Ne znati da bodo braniteli, gde i zkim našli zajedničkoga jezika kaj se dospomenejo tak kaj ne bodo več morali meti non-stop otprtoga štacuna v Savskoj vulici. Več je skradja vura za to!

  Najgerek sam, jako sam najgerek kak bode naša Vlada rešila probleme z švicarskim frankom. Nebrem reči da so toga franka naši političari zgrabili kak mačka miša, ali črez kratek čas vsi so skočili v zrak. Nikomo ne paše. Niti se slažejo bankari, a niti pak dužniki. Najbrž smo to mi morali rešit z Švicarcima, pak oni nam delajo probleme, oni nam zdiguvlejo tečaja, a nas nikaj ne pitajo. Vsi so se smejali z našega šenkoskoga sabornika, Drageca Lesara dok je v Saboro lepo predložil (pred cirka pet let) nek se pozabijo te devizne klauzule i nek bodo dugi naših težakov v kunama, ak kune služijo, kune so dobili od banke i unda nek i kune vrnejo. Ali ne, kaj bode on, sindikalec, kak ga zovejo oni šterima ne paše, vučil ministre i bankare kak tre delati z penezi. A da so ga posluhnuli ve nej meli te friške brige. Trelo je nekaj naprajti prevenitvno, za stalno, a ne kaj naša Vlada navek oče pogasiti ogja dok se on več rezgori!

Kaj se nebomo, mi Međimorci i to brežni, preveč brigali okoli franka, kak strela z vedra neba nam je doletela vest da je Mohokos več ne nejvekši breg na ovom našem falačeco zemle med dvemi vodami. A bil je nejvekši od stoletja sedmog do ve. I meni je moj črvek ne dal mira, pak sam išel zazvediti o čemo se to pravzapraf dela. I neje mi dugo trelo kaj sam zazvedil. Vse so to naprajli naši ljudi. Pred nekaj vejč od dvajsti let so Međimorske vode delale obeliska na vrho Mohokosa kaj bodo vsi znali da je tu nejvekši breg našega maloga Međimorja. Ali kak je te vrh bil jako špičasti trelo ga je malo zravnati kaj se kamen z metražom ne bi prehitil. Težaki so ne znali kaj naprajti, pak so pitali svojega direktora Zokija. I unda so oni naprajli kak jim je on rekel. Otpelali so z Mohokosa cirka deset kamijonov zemle na Cimermanov breg, a to so ne nigdi zapisali i čistam je unda normalno da je ve Cimermanov breg za te kup zemle višeši od Mohokosa. Leta ido, trava raste, tragi od kamijonov se ne vidijo i čistam je unda nekak normalno da mladi ljudi, kak so Andreja i Davor, zmerijo onak kak je je. To kaj sam zazvedil moral sam vam reči tak kaj bodete i vi znali da i naši ljudi morejo negda spremeniti ono kaj je dragi Božek napravil!

Zvir:
http://www.mnovine.hr/kolumne/Jožek%20radnik/1/Ide%20i%20Tito%20z%20Pantovčaka
i(l) str. 56. sim:
http://issuu.com/mnovine/docs/mnovine1010i
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine

* * * * * * * * * * * * * * * * * * * * * * * * * * * * * * * * * * *

Međimurje kak si lepo zeleno – Vlado Mihaljević, 03:46