Međimurska županija jedina v Lepoj našoj štera ima dva župane. Najme kaj, jeden od županov je Matek Posavcov, a drugi je Jožek (moj imejak) Župan, šteri je župni vikar vu čakoskomo fratarskomo kloštro.

* * * * * * * * *

Međimurske novine, br. 1013, 13.02.2015.
e-vundano 16.02.2015.

Piše: Jožek radnik

Međimurska županija jedina v Lepoj našoj štera ima dva župane. Najme kaj, jeden od županov je Matek Posavcov, a drugi je Jožek (moj imejak) Župan, šteri je župni vikar vu čakoskomo fratarskomo kloštro. Čim bodo to zazvedili naši sosedi z Hrvaške mam nam bodo jalni. Nek se i oni malo grizejo kak se i mi grizemo kaj oni imajo vekše plače, a mi vejč delamo. Pak zato nam i vse tak ide od roke kaj imamo dva Župane!

Intervju: fra Josip Župan
Za naš drugi intervju/svedočanstvo zebrali smo našoga fra Jožeka (Josipa) Župana, mladoga frajnevca i velečasnoga, da z nami podeli nekuliko misli o svemu živlejnu i deluvajnu. Kak dijakon i pokle ređejna leta 2013. deluje v našomu samostanu i župe v Karlovcu, a od leta leta 2014. premeščen je v župu sv. Nikole biškupa v Čakovec.
http://www.ofm.hr/index.php/zvanja/svjedocanstva/278-intervju-fra-josip-zupan

fra Josip Župan – mlada misa, 03:51
https://www.youtube.com/watch?v=DI_Yl-q9VtY

Nebrem nikak razmeti kaj se naš međimorski župan Matek Posavcov srdi kaj ga vsi zovejo na svojo strano, očem reči, vu svojo stranjko oliti koalicijo. Kak to on nebre razmeti, tak mladi pak več župan, a k tomo i ledičen, pak je čistam normalno da ga vsi očejo oženiti i vsaka stranka oče kaj bode ruon jeni zet. Nekaj je tu ipak čudno, vsi ga zovejo k sebi i levi i desni, a ovi ili ove na sredini ga nedajo. Čistam bi nekak normalno bilo da se i puce pita štera ga bode povlekla k sebi, štera oče žnjim deliti dobro i zlo i to tak dugo dok jiv nekša druga nevola ne restira. Lejpo je čuti kaj nam je naš Matek dal do znanja da on, vu ovom časo, oče sam jedno, oče služiti građanima, očem reči, nam Međimorcaj, no, nekaj mi je tu ne jasno ili so novinari krivo razmeli ili pak je naš župan mel slaboga dneva jerbo je pozabil građanke, očem reči, Međimorke. A kuliko vidimo jemo je lepše, a i meni bi bilo, da služi Međimorkaj, a mi Međimorci smo na odličnomo tretjemo mesto. Kaj se čudite: na prvomo mesto so Međimorke, na drugomo mesto so isto Međimorke, ali mlajše jerbo se ne zidejo na prvo mesto, a unda smo mi Međimorci. Mi, kakši smo več je, smo jako zadovolni z tretjim mestom i bronastom medaljom. Dok si malo bole pregruntamo, mi Međimorci smo i doma negdi izmeđo drugoga i tretjega mesta, pak je unda ne čudno kaj smo tu zadovoljni z tretjim mestom. Medalja je medalja, pak nebrejo vse biti zlatne. Kaj bi naš “rokometni mag” Slavek Goluža dal za ovo našo bronasto kolajno. Prosil bi Mateka kak pajdaša nek se ne sekera kaj se ljudi, a posebno žene spominajo za jega, jerbo se sam za dobrim kojom praši. Dok bodo se prestali spominati unda mo bode to falilo. Ak mene pita, nek sam hoda po sredini, kak god dugo more, a prinas v Međimorjo ga dosta mesti gde se ceste škližejo, tak bode i on došel na jedno takše mesto predi nek naša glavna cestarica vse to popravi, pak ga unda bode več zemla nekam porinula ili levo ili desno. Još je nišči ne na sredini ceste ostal dok so nevihte bile, a kaj ga vrag (čitaj: politika) ne bi pobral. Vreme leči vse rane, a i navek najde pravoga pota. Ne znati je li Matek ima dosti cajta kaj bode mladi i ledičen zišel z toga? Rekel sam: vreme bode pokazalo! Mladi, lepi, ledičan, dobrodržeči, dobrostoječi z bistrim pogledom v bolše zutra i kak ne bode unda nejpoželneši mladožeja i ne to sam vu našemo malomo Međimorjo nek i prek Drave, očem reči, po veloj Lepoj našoj ak ne i dale. Dok si malo bole pregruntam Sulejman Veličanstveni, kuliko smo meli priliko čuti i videti, je bil mali Ivica prema našemo župano!!??

Naš župan Matek Posavcov da gud ima priliko navek fali nas Međimorce, a još bole Međimorke, kak smo nekaj drugo, kak smo mi bolši, spametneši od vsih drugih vu Lepoj našoj i kak čuda vejč delamo os vsih i za čuda menše peneze. Ak smo mi Međimorci po vsemo drugačeši unda je i naša Međimurska županija jedina v Lepoj našoj štera ima dva župane. Najme kaj, jeden od županov je Matek Posavcov, a drugi je Jožek (moj imejak) Župan, šteri je župni vikar vu čakoskomo fratarskomo kloštro. Čim bodo to zazvedili naši sosedi z Hrvaške mam nam bodo jalni. Nek se i oni malo grizejo kak se i mi grizemo kaj oni imajo vekše plače, a mi vejč delamo. Pak zato nam i vse tak ide od roke kaj imamo dva Župane!

Vsi smo bili zadovoljni z šestim mestom naših rokometašov na Sveckomo prvenstvo tak dugo dok smo si ne mogli pomoči, a čim so dimo došli i prespali si dve-tri noči, čim smo došli k sebi mam smo pokazali Slaveko pesnico pod oko i poslali ga v ropotarnico povjesti. Mi Hrvati, svecki prvaki i olimpiski pobjedniki, mi bodemo zadovoljni z šestim mestom. Morete si misliti? Nebrem veruvati kak si je Slavek gruntal da bode preživel i ovo sramoto? Pak kaj on ne pozna Zokija Gobca? Zoki je nigdar ne nikaj kriv makar vse on zakuha, a drugi unda to morajo pojesti i zato je i Slavek odišek po riti k meši. Mi imamo tak dobre igrače, nejbolše na sveto, ak ne i još bolše i na krajo smo jedva šesti. Nekaj tu ne štima, a kak nebremo vse igrače spremeniti leži je trenera v rit vritnuti. Slaveka je Zoki poslal nazaj na rokometni faks jerbo je nešterne stranice v knigi z taktikom preskočil, pak se to mora još navčiti. On je mladi, pak vse ftegne. Prefletno je došel za trenera reprezentacije, pak je zahuzal. Mi smo ga poslali v Katar po kolajno, a ne kaj se vrnul z praznom rokom.

Naša Županiska bolnica je dobila novoga gazdu, očem reči, sanaciskoga upravitela, a to je negdašji pomočnik ministra Marasa i gazda v poduzečo Linea cod, Štef Koraj. On je dobil mandat od Vlade kaj proba ozdraviti našo bolnico. Predi jega je tu reda počel delati doktor Miro Horvat, ali se je on vrnul betežnikima, a ve bode Štef zel v roke toga vročega i betežnoga kalampera i probal bo ga v red dotirati. Neje to lefki posel i zato očem Štefo poželeti srečo vu tem poslo, a ak bode tak unda bode naša bolnica prva v Lepoj našoj štera je v red dotirana. Unda se bode župan mogel pak pofaliti kak smo mi i tu prvi. To je teški posel, z jedne strane, a z druge strane je lepi jerbo je posla prekpreveč, betežniki nigdar ne sfalijo.

Naši ljudi šteri so čuda dužni, očem reči, prek preveč, ve jim mi to bodemo šenkali. Ve pak to pe prek naše grbače, prek našega hrpta. Ve se je pak zazvedilo da on šteri furt vse plača, je ne poštejak nek bedak i to jako, jako veliki, kaj nam rekel kak hamril. Nebrem reči, jega prinas ljudi, kak seljakov tak i težakov, šteri nebrejo nikak poplatiti vse čeke i dojti na zeleno kito jerbo jim je plača prekratka, ali jega i onih šteri se puščajo: prvo namirijo sebe, a čeki čakajo na red. Bil sam z sosedom pre jegovomo pajdašo z ribičije. Jafkali so na te čeke, kleli so opčino, načelnico, županijo, plina, strujo, državo, ministarstvo, Zokija, Pusičko, ali za Ivija so ne nikaj rekli. No, moram vam reči da jif je štriri pre hiži i vsi pušijo, a za bagoš nesmejo penezi sfaliti. Isto tak, kuliko sam videl z prostim okom, imajo i 6 (z slovaj: šest) mobitelov i dva aute. Najbrž tu neka ne štima: nejpredi platijo mobitele, kupijo benzina i bagoša, jesti morajo i unda je nekak čistam normalno da sfali za čeke. A mi poštejaki (čiataj: bedaki) nejpredi platimo čeke, več smo zdavnja svoje popušili i unda ak kaj ostane za jesti dobro, a ako ne unda iščemo fraj kontejnera. A pijača? Pijemo sam dok nešči donese pijačo ili pak zove rundo. Kaj ne znate da je još navek kriza?

Rekel sam, jega tu onih šterima tre pomoči, šteri nebrejo, šteri pravzaprav nemajo, ali i tu tre naprajti reda kaj ne bo zišlo kak poduzeča v predstečajnoj nagodbi gde se nejveč pomoglo nejfletnešima, nejspretnešima i Liničovim pajdašima, a ne onima šterima je nejbole trelo. Zmislite se sam kuliko let so se naši Brazilci vozili z beemvejima i mečkama po socijalno pomoč? Preveč drugo nam je trelo kaj smo tu reda naprajli, pak bi prosil kaj bi se i med čekima red napravil, a ne kaj bode, na vse zadje zišlo, da bodo nejveč penez meli oni šteri nigdi i nikaj ne delajo. Štel bi sam reči kaj ne bodemo pomagali “siroto” na svojo sramoto, a posle bo se tua ista “sirota” z nas norca delala.

Zvir:
http://www.mnovine.hr/kolumne/Jožek%20radnik/1/Naša%20županija%20je%20posebna,%20imamo%20i%20dva%20župane!

i(l) str. 56. sim:
http://issuu.com/mnovine/docs/mnovine1013i
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine

* * * * * * * * * * * * * * * * * * * * * * * * * * * * * * * * * * *

Neki to vole vruće- Dva gemišta (Krapina 2012) Nove popevke HQ, 03:23