Bil je tam dreš i melen. Vozili smu s pola k Plemeku žitek na drešajne, a bome smu posle cielo leto nosili v melen taj žitek. /

Friščičov melin v Prigorce (Ivanec, poleg jene velke gore, Ivanščica kaj se zove)

* * * * * * * * * *

VGdes
VGdanas, 28.01.2015.
Broj 059, str. 30, www.vgdanas.hr

JOŽEKOV ČOŠEK
PLEMEKOV MELEN

Bil je tam dreš i melen. Vozili smu s pola k Plemeku žitek na drešajne, a bome smu posle cielo leto nosili v melen taj žitek. Plemek ga je mlel za vujem. Kad si mu donesel vreču žitka ili kukuruze, za čas je bila mela somleta, a jeden del te mele si moral dati za posel, za plôču. E….to ti se zove vujem.

Pitala si me zajni put za sé melene tere se siečam da su bili v Kurilovcu i po Gorice. Siečam se stôroga melena na Gorice, pri Zomule. Tam je bil, vuz stôri vatrogasni dom. Bum ti jemput ojnem se pripovedal, To je bilo tak dôvno, am onda nigdo drugi ni niti imal melen, neg Zomula. I  stôrom semišču na Gorice ti bum pripovedal… valda nam pozôbil.

A v Kurilovcu, em znôš i sôma da su meleni bili pri Pukaniču, pri Mateku Odrčiču i pri Plemeku. Mi smu navek išli na dreš k Plemeku. Števiča Stepaniča smo zvali Plemek. On je počel delati taj posel za vrieme drugoga velikoga rata, mislim da je to bilo 1943. Vu tu dobu su još Stepaniči živeli na stôrom gruntu, tam v Stepaničeve vulice, a dreš je bil ovde, v Kurilovečke vulice.
Bil je tam dreš i melen. Vozili smu s pola k Plemeku žitek na drešajne, a bome smu posle cielo leto nosili v melen taj žitek. Plemek ga je mlel za vujem. Kad si mu donesel vreču žitka ili kukuruze, za čas je bila mela somleta, a jeden del te mele si moral dati za posel, za plôču. E….to ti se zove vujem.

      Kad je drugi veliki rat prešel, došla je Plemeku noredba od partizonskoga odbora da mora iti z drešom delat v Sisek. Rekli su mu da tam ma zajnega puno posla.
      Po istine govoreč, on ti je imal jôko puno posla i tu, v Kurilovcu. Rekli su mu drugovi z Goričkoga komiteta nek samo on i dale dela doma, da ga budu zaštitili, če bu trebalo. Kad su v partizonskomu odboru videli da se naš Plemek, kak su rekli „oglušil o naredbu“, koznili su ga tak da su mu dosudili jedno leto zatvora. Nigdo z Goričkoga komiteta ni rekel ni jenu liepu rieč zajnega. Nigdo ga ni zaštitil. I dale si moreš misliti kaj je bilo – Števiča su deli 1948. v zatvor. Bogi čovek, a ni kriv ni dužen…

Plemek je vmrl 1963., a negov posel je triebal nastaviti sin, Ivek. Mi smo ga zvali Ica. Vu tu dobu je bilo malo kamijonof, a Ica je vozil jen veliki kamijon. Dečku se bole dopalo voziti, neg mleti. Kaj češ, morala je dale posel voditi negva mati, Milka.
Žena je znôla posel, ni kaj za reči…

Ali posla v melenu je bilo se mejne. Vu tu dobu se melu več moglo kupiti i v dučonu. Tak su pri       Plemeku mleli nôjviše šrot i su hranu za blâgo.
Milka je na kraju zaprla melen 1974.

Je, saki put kad prejdem vuz Plemekov grunt, okrenem se, pok si zdehnem. Ni več Milke, Ica je dôvno mrl, a i žena mu. Se mučí, se stojí, ne vrtiju se kameni v melenu. Ne diši friško somleta mela. Ni več Plemekovoga melena.

Mlinar v krčmi

 

Žena išla v melin, nesla vreče,
mlinar pak jo dzodi požegeče.

Naj me, dragi mlinar, žegetati,
kaj mi nebo fertof ves meljnati.

Nastavek:
http://www.forumgorica.com/kajkavski/hr-kaj-ne-lepa-nasa-kajkavska-tiskajne/msg34552/#msg34552

Išla žen v melin
Žiga i Bandisti – Međimurska Erotska, 04:08