Tri put hura za Kolindu!  Da je seljača govoriju oni šteri su svoje plemstve stekli 1945. i pokle? Naj mi smeha ne delaju – dodala je druga.  /

Varaždinske vesti, br. 3659, 17.02. 2015.

Piše Barica Pahič

– I zamieraju ji kaj je rekla da bu vdirala po stolu, da tuo ženski nie primerene.
– I smijeju ji se zate kaj zna kravu podojiti i voziti traktora, da je prava seljača i da ji zate ne spada da bu predsednica. Ali Buog ne mari kaj pes laje.
– Ja ji to ne zameram. Moja mama pak je, gda je to čula, zakričala: Tri put hura za Kolindu!  Da je seljača govoriju oni šteri su svoje plemstve stekli 1945. i pokle? Naj mi smeha ne delaju – dodala je druga.

Bile je gerde vrieme i snieg je curel pa sem se v zadnje vrieme deržala hiže. Nisem odišla ni f kazališče, maker je bila premijera predstave štera me zbilja zanima. Ali za te još bu časa. Ali kak god da je gerde vrieme, f štacun se muora iti. A onda sem se na ceste namierila na jene ženske društve štere je pretresale sagdiešnja dogajanja.Tri ženskice štere su me podsetile na pesmicu „Tri nonice“ štere su se bile „na putu zestale pa su klopotale.“ Ali tuo su, kak sem berze vidla nie bile obične tračljifke, neg čist informierane ženice. Taman su bile zrekle svuoj sud o odluki haškega suda i muaram vam reči da je čist drukčeši od haškega. Onda su prešle na K.G.K. od štere su očekivale male jakšu reakciju na tu presudu, ali su ju mam opravdale da nema časa jer pripravlja inauguraciju. I drugač su z nju solidarne po ženske certe jer da je ženska zbilja feš kak nijena druga političarka i da je gerde kaj neki jalnuši i nekulturnjaki za nju pišeju.
– Pa kaj pišeju? – pitam kakti naivne.
– Najte reči da ne znate. Pak valjda čitate novine! Morti i interneta. Tam komentare čitaju i moja deca i i onda se smijeju bedastočami štere se tam moreju najti.
– Zbilja ne znam.
– Meni je najbolj neukusne one o nogami. Pak ni ona misica da bi ji noge trebale s centimetrem meriti. Važne je kakva ji je glava i kaj ji je vu nje.
– I zamieraju ji kaj je rekla da bu vdirala po stolu, da tuo ženski nie primerene.
– I smijeju ji se zate kaj zna kravu podojiti i voziti traktora, da je prava seljača i da ji zate ne spada da bu predsednica. Ali Buog ne mari kaj pes laje.
– Ja ji to ne zameram. Moja mama pak je, gda je to čula, zakričala: Tri put hura za Kolindu!  Da je seljača govoriju oni šteri su svoje plemstve stekli 1945. i pokle? Naj mi smeha ne delaju – dodala je druga.
Pokle pak je nekak na red došla i varaždinska situacija; svađe med političari, proračun, bankrot, zmešarije oko smetja, pitanja Čehokovega suđenja i krivnje i kie bu koga i tak dalje.
Bormeš su me začudile kak pune o semu znaju, kak se pratiju i kak o semu premišljaju.
– Da je meni male dati vlast! Ja bi se tuo razjurila! – zdehnula je jena..
– Ali prie par dnevi je Premijer, tu prinas, znuovič agitieral za sebe i svoje. I rekel je da su oni svetle, a oni drugi tmica.
– Je, on bu same rekel: Nek bu svetle! I mam bu svetle.
– Morti se njemu i je pod kraj ipak rasvietlile. Pak si nam nudiju svetle! Same, kie bu za te platil struju? A mogle bi se od nekojega svetla i oslepiti. Kaj još niesme dost čoravi?

Zvir:
http://varazdinske-vijesti.hr/kaj-je-nase-pitanje-i-nas-odgovor/zene-se-pratiju-i-o-semu-premisljaju.html
i(l) str. 37 sim:
http://varazdinske-vijesti.hr/pdf/3659.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1

DRAGO GERVAIS: TRI NONICE
ZVODE VUČENIKI OŠ BAKAR
PRIREDILA : VENA ŠTRASER, prof

TRI NONICE, 06:11
https://www.youtube.com/watch?v=394403QMFkk

zagreb, zagreb, selo kraj VARAŽDINA
Pot Vec tri dana, 01:58

Deni na papir