Plemenetaši na placu vu Varaždinu

Če ste vu subotu išli na varaždinski plac ste mogi kupuvati kak da ste vu kazališču. Med štande su zišli člani udruge ”Plemenitaši” iz Gornje Reke i pokazali kak se negda tancalo vu podkalničkom kraju.

Plemenitaši već skorom deset let čuvleju tradiciju i običaje svojega kraja, a of nastup vu Varaždinu je organizeralo Udruženje varaždinskih obrtnika.

Damen valcer, Diagon valcer, Špancir tanc, i drugi,  su se trebali plesati na varaždinskom Korzu, ali je zgledelo da bi moglo biti dežđa, pak su se itak preselili na plac, med puk moglo bi se reči. Nekoji koji su se tam zatekli su ne niti znali kaj ima biti, pak im je bilo lepo za videti kaj jim je jedna takva plemenitaška prešecija ulepšala zbiranje med grincajgami. Ko veli da se na placu ni moči kulturno uzdizati?

 

About the author

Rodil sam se vu Varaždinu, gdi sam zbavil osnovnu školu. Za srednju školu sam moral iti malo dale, do Ivanca. Tam su me nafčili kak s penezimi delati, račune plačati i knjigovodstvo tirati, bumo rekli - kak ekonomistom biti. Dok sam se štel još vučiti sam moral još dalje potegnuti - do Zagreba. Tam su me na Filozofskom fakultetu nafčili puno knjig čitati i filozofiju i književnost tirati. Ja sam pak još i bibliotekatsvo naganjal, tak da ve delam vu školi kakti knjižničar. Vu slobodno vreme čitam, pomalo nekaj pišem i španceram se.