Stari obrti se se više pozabljaju. Nekak smo se nafčili kupuvati sikakvu robu, a največ stranjsku. Po selima več retko koji dedek šibe plete ili bakica kolovrata vrti. Pak su se zato vu Varaždinu skup deli ljudi z Grada i Turističke zajednice i  povlekli kaj jednoga od starih obrti vun z muzeja zvlečeju.

Vu Strukovnoj školi buju održavali radionice obrade stekla de se moči nafčiti kak su negda delali njegovu fuziju i one lepe vitraje kaj ih več retko de ima. Se je to vu sklopu projekta ”SeeNet”  prek kojega se Grad Varaždin povezal z još četri istrarske opčine i grada, a se vu okviru suradnje Republike Italije z zemljama našega rejona.

Radionice buju trajale od 19. prosinca do 15. veljače i se skup bu 80 vur za na njimi delati. Bitno je reči i to da su zabadava. Prijaviti se morete na web stranicama Grada Varaždina i Turističke zajednice.