Negda da su hiže bile prizemne ili največ z jenim katom pak Deda Mraz ni imel teškega posla i mogel se lefko po rafniku spustiti. Denes da deca živiju vu zgradurinama od 10 i više katov mu bormeš ni tak lefko.

Sejeno Deda Mraz i do takove dece dojde. Tak je bilo na Štefanje se vu varaždinskom kvartu ”Banfica” de su deca z desetkatnice vu Boškovićevoj vulici pokli čak 32 lete dočakala svojeg Deda Mraza šeri ih je posetil i oblizeke podelil. Bila su ga vesela i deca i oni malo vekši kaj već ve i svoju decu imaju. Za to je bormeš dobil i nagrade kajti su mu deca i recitirala i pesmice popevala kak na pravoj priredbi. Ve sam treba paziti kaj bu rafnik čisti i drugu letu pak nebu treba prejti tuliko let kaj se dedica opet navrne.