51. otprto zimsko prvenstvo vu košarki

30 prosinca, 2011 - Varaždina, varaždinski, Varaždinu - Tagged: , - no comments

Košarkaški savez Varaždinske županije već prek pol stoletja organizera otprto zimsko prvenstvo vu košarki. Naj vas naziv ne zavara, ne igra se vuni, na zimi, nek vu dvorani. Otprto se zove zato kaj se moreju prijaviti ekipe koje očeju. Do ve su igrali i rukometaši, hrvači, rekraativci, dečki z kvartov i razni drugi dobre vole. Igralo se seposut di je kakva dvorana po Varaždinu, a ve igraju vu maloj dvorani gradske dvorane na Dravi.

Prijaviti se moči do 12. siječnja 2012., a važno je to  napraviti pismeno na adresu info.@ksvz.hr ili na faks 210-055, ili pak poslati  na adresu Košarkaški savez Varaždinske županije, Graberje 31 42000 Varaždin. Planiraju kaj bi prvenstvo počelo 22. siječnja a prije tega treba sastanka napraviti z predstavniki zainteresiranih ekipi kaj se odredi kak bu to se išlo i ko bu z kim igral.

About the author

Rodil sam se vu Varaždinu, gdi sam zbavil osnovnu školu. Za srednju školu sam moral iti malo dale, do Ivanca. Tam su me nafčili kak s penezimi delati, račune plačati i knjigovodstvo tirati, bumo rekli - kak ekonomistom biti. Dok sam se štel još vučiti sam moral još dalje potegnuti - do Zagreba. Tam su me na Filozofskom fakultetu nafčili puno knjig čitati i filozofiju i književnost tirati. Ja sam pak još i bibliotekatsvo naganjal, tak da ve delam vu školi kakti knjižničar. Vu slobodno vreme čitam, pomalo nekaj pišem i španceram se.