Na novoletnoj trku vu Varaždinu je prvi zbežal Slovenac Vid Zevnik, a najbržeša ženska je bila Varaždinka Valentina Belović. Bežalo se od Korza iliti Trga kralja Tomislava pa prek Franjevačkog trga, Kačićeve, Vrazove, Zrinskih i Frankopana, Krležine, Zagrebačke, Cesaričeve, Pavlinske i pak nazaj na Korzo. Se skupa je steza bila duga 3 kilometra, a bežala su se dva kruga tak da se skupa zide 6 kilometri.
Vreme je bilo vredu kajti ni bilo snega ili dežđa pak ni bilo tak hudo za bežati, sam je trebalo paziti na petarde štere su tu i tam pucale pod nogami. Pri muškima je drugi došel Zoran Žilić a tretji Matijaž Štefanel a pri ženama Marija Varjić z Zagreba i Valentina Županić z Varaždina. Trku je organizeral Atletski klub Varaždin a sponzorelal ju je Grad Varaždin. 
