Vu novu letu s predstavami za decu

4 siječnja, 2012 - Varaždina, Varaždinu - Tagged: , - Comments
Napisal je: Berislav

Of vikend je vu varaždinskom kazališću rezerviran za predstave za decu. Tak  vu subotu vu pet popodne na velkoj sceni morete pogledati predstavu ”Miševi i mačke naglavačke” kaj je nastala prema zbirki pesmici štere je napisal Luko Paljetak tijam davne 1973 lete, pak od onda decu veseli. Vu nedelju pak, istam vu pet popodne, bu predstava ”Stolek, stolek”. Nju je pak postavil Dubravko Torjanec i vu njoj sem ljudi glumiju i lutke kaj bi dečici moglo biti još bole zanimljivo.

Sikak se lepo tu i tam vu kazališče navrnuti posebno kaj smo of vikend dulje doma pak je to zgodni predlog za obiteljski dan, odnosno večer. Če vas morti interesera program kaj bu dale igralo vu siječnju morete pogledati na stranci kazališća na http://www.hnkvz.hr/

Print Friendly, PDF & EmailDeni na papir

About the author

Rodil sam se vu Varaždinu, gdi sam zbavil osnovnu školu. Za srednju školu sam moral iti malo dale, do Ivanca. Tam su me nafčili kak s penezimi delati, račune plačati i knjigovodstvo tirati, bumo rekli - kak ekonomistom biti. Dok sam se štel još vučiti sam moral još dalje potegnuti - do Zagreba. Tam su me na Filozofskom fakultetu nafčili puno knjig čitati i filozofiju i književnost tirati. Ja sam pak još i bibliotekatsvo naganjal, tak da ve delam vu školi kakti knjižničar. Vu slobodno vreme čitam, pomalo nekaj pišem i španceram se.