PESMA TROJAČKA DUHU SVETOMU
Dojdi k nam, o Bog Duh Sveti,
Rieč Božju nam daj razmeti:
Dej stvorenju, Bože, tvemu
Po putu hodit pravemu,
K tebi Bogu dojti svemu!
Dojdi o Bog Duh Stvoritelj,
Čistih srdec ti ljubitelj:
Vse neč isto dej odstrani,
Vu nama se dej nastani,
Srce naše ti premieni.
Ravnaj sveto govorenje,
Kriepi srdca i čutenje:
Dej nam živo veruvati,
Vu te tvrdno se ufati,
Tebe ljubit’, vuživati!
Mudrost, razum, svetuvanje,
Dej pobožnost, jakost, znanje,
Strah nam vsake dej grehote,
I tak z darmi tve dobrote
Razveseli nas sirote!
Hodi, o Duh, da spoznamo
Kriepost tvoju i pevamo:
Z Otcem, Sinem prevelika
Od vsakoga naj jezika
Budi tebi naviek dika. Amen.
Zvir:
DR. ZVONIMIR KUREČIĆ
KAJKAVSKA VEČERNICA I MEŠA
VU SV. IVANU ZELINI, 2012.
str. 9
http://www.pou-zelina.hr/documents/Izdavastvo/51_Kajkavska_vecernica.pdf
Turopolska forumGorica
P Oltar – POrtal naš svagdašni PObôžni i vragolasti / Bogoslavija
PESMA TROJAČKA DUHU SVETOMU
05:00-08:15
Kajkavska večernica KAJ v Zelini 2009. 01., 15:00
