Pregled tisKAJna

Varaždinske vesti, br. 3571, 11.06. 2013.

Piše Barica Pahič

Zate ga moraš imati i poslati drugu v nevolji. Prijateljstvo se ceni po tome jel imaš šalab i je li pouzdan…A šalab ima najneobičnije oblike i skriva se na najnepredvidnejšimi mesti. Moreš ga deržati v žepu, f pernici, pod knjigom, za hlačnjakom, v rukavu, pod klupom, za vuhom (kod dugokosih pa se onda neki naifci pitaju zakaj i denes poneki dečki nose duge lasi, gda se večina več šiša na ježeka ili na nulericu) ili ga same deneš pod rit.

Joj, kak se puno toga nakupčalo ove dneve. Štrajk pa ne štrajk, vesti štere su velike par dnevi. Na izbori su premogli šteri su premogli, a zgubili šteri su zgubili. To je bile jasne vnapre. Veliju da je jeden od kandidatov za nekšnoga načelnika (opčine ili grada) prie neg se dal kandidierati odišel po savjet k proročice.

– Sam se ti, sinek, kandidieraj pa ili buš prešel ili pak nebuš. Ak prejdeš, prejdeš, jer buš drugač zgubil.

Druga je velika viest da je prihvačen nuovi pravopis, po šterom se more pisati i ovak i onak, a ljude se pitaju zakaj pa je onda trebalo o tem raspravljati (kakti demokratski) i kaj opče delati gda vriedi pravilo: “Ki kak more i ki kak zna.”

A f se to je onda opala ova matura i zapletavanja okoli nje; zamjena pitanja i eseja pa dvosmislena pitanja, pa … Je, od mature i strahov od nje se ovi dnevov jake diskutierale i podsečale na romantična duoba gda su se vnoge stvari i na mature mogle riešiti z šalabahterem i da je zaprav nečovečne da maturanti na ispit smeju dojti same z kemijskom.

Kak negdešnja prosvetna delatnica imam jake pune iskustva z šalabahterimi pak sem još pred šesnajst liet vundala jenu pripovetku (Živi krimić) na tu temu, kaj ovde v male skračenem obliku prenašam:

”Šalabahter ti je sveta đačka knjiga, najpopularneji bestseler svieta. Ak nemaš šalab ili se nemreš dokopati tuđeg, zgorel si kaj amen…Zate ga moraš imati i poslati drugu v nevolji. Prijateljstvo se ceni po tome jel imaš šalab i je li pouzdan…A šalab ima najneobičnije oblike i skriva se na najnepredvidnejšimi mesti. Moreš ga deržati v žepu, f pernici, pod knjigom, za hlačnjakom, v rukavu, pod klupom, za vuhom (kod dugokosih pa se onda neki naifci pitaju zakaj i denes poneki dečki nose duge lasi, gda se večina več šiša na ježeka ili na nulericu) ili ga same deneš pod rit. Ti same raskrečiš noge i se je O.K. More biti v obliku molitvenika ili zarulan oko olovke ili štapiča. Zakeliš ga z flasterom ili izolirbandom pod ploču svoje klupe i same ga liepe vlečeš vun. F tem slučaju mora biti na pausu jer se inače ne rula. Gda se pandur približava, ti ga same pustiš i mam je garažiran…
Važne moreš zapisati i na dlan, po rukami, ali onda moraš i po vručini nositi duge rukave, ili po nogami, pogotove znad koljena, kaj vriedi sam za ženske i zate na ispit dojdu f dugimi kikljami. A moreš bilježnicu same hititi na pod kam smestiš i torbu, a pokle bilježnicu listaš z nogu”.

Morti i denes tak misliju đaci. A kaj je to nie zabrana đačke stvaralačke mašte?

Zvir:
http://varazdinske-vijesti.hr/kaj-je-nase-pitanje-i-nas-odgovor/ak-nemas-salabahter-zgorel-si-kaj-amen.html
i(l)
str. 25. sim
http://varazdinske-vijesti.hr/pdf/3571.pdf       
Aktuelni broj VV:
http://varazdinske-vijesti.hr/online/Main.php?MagID=1&MagNo=1     

* * * * * * * * * * * * * * * * * * * * * * * * * * * * * *

Štancaj šalabakter (pri) vesele Zagorke

Šala bila, šala-b(akter)u

Višnja Korbar – Tancaj tancaj / Šala bila,šala bu / Pri veseloj Zagorki (Krapina 2008) HQ, 04:17