Referendumsko pravo v Švicarske (2)

(nastavek prethodnoga lista)

Referendumsko pravo v Švicarske (2)

 Zermatterhorn (Matterhorn v Zermattu, Materin rog)


Pojmi

Zbirajuči (fakultativni) referendum

Večina zakonov i predloškov tere švicarski parlament zglasa, stupa na snagu “bezopozicijski” (bez protivlejna). Ali, ak ste protiv kakve odluke (dekreta), morete se sprotiviti i pokrenuti referendum protiv ne(ga). Pripoveda se o “zbirajučemu (fakultativnomu) referendumu”, kajti mugučnost pokretajna referenduma, doduše, postoji, al se ne rabi navek. Ak dojde do referenduma predmetni se zakon – il neka druga ustavom predviđena odluka (dekret) podnosi narodu na glasuvajne.
Referendum more iskati i osem kantonov skup.

Predmetna odluka (dekret) parlamenta il vlade stupa na snagu ak protivlejne  iste referendumomom bu odbito. Za oditavajne je dost jednostavna večina grajanov teri su zišli na glasuvajne („Volksmehr”) (kak temel se zimlu samo važeči listeki).

Obvezni referendum

Određene odluke (dekreti) parlamenta, posebno izmene saveznoga ustava , nužno moraju biti dane narodu na glasuvajne . To se zove ” obvezni referendum “.

Za privačajne promen ustava potrebno je ZA od večine grajanov teri su zišli na glasuvajne („Volksmehr”) (kak temel se zimlu samo važeči listeki) i ZA od večine kantonov („Ständemehr”).

Do more pokrenuti referendum?

Referendum more inicerati bilo tera osoba z pravom glasa v Švicarske, čak i ako ima prebivališče v inozemstvu .

Kak pokrenuti referendum?

1.
Osnujte referendumski odbor. Če očete, o osnivajnu obavestete saveznu kancelariju i imenujte kontaktnu osobu. Ne treba priobčiti broj članov odbora, nijov identitet niti organizacije tere su vuklučene. Protiv istoga zakona ili iste parlamentarne odluke more se osnovati više referendumske odborov .

2.
Pre neg sporni zakon ili sporna odluka bu vundana v Saveznomu listu ( BBI) odbor pripravla obrazec za skuplajne potpisov. Savezna kancelarija, na zahtev, referendumskomu odboru stavla na raspolagajne obrazec za skuplajne potpisov. Ovi obrasci nužno moraju sadržavati određene podatke, a posebno točan naslov spornoga zakona ili odluke, ter datum usvajajna v Savezne skupščine. Ak referendumski odbor oče, može obrazec za skuplajne potpisov dati Savezne kancelarije na proveru.

3.
Z skuplajnem potpisov sme se početi tek nakon ke je sporni zakon il sporna odluka publicereana v Saveznomu listu. Od toga momenta odbor ima 100 dan vremena skupiti 50’000 potpisov, dati je občinam na overu i dostaviti Savezne kancelarije. Veruvatno nesu si potpisi važeči . Zato je preporučlivo prikupiti više od 50.000 potpisov . Imajte na umu da je proveravajne potpisov  zahtevni posel, za teroga občine trebaju određeno vreme. Prosimo dostaviti potpise pri občinam na vreme i, ako je moguće, kontinuirano (paralelno, progresivno z skuplajnem potpisov), kajti je rok od 100 dan konačen.

4.
Referendum bu održan ak je najmejne 50.000 važeče potpisov se dostavleno Savezne kancelarije. Če je tomu tak, sporna odluka (dekret) se podnosi na narodno glasuvajne.

Kantonalni i opčinski referendum

Postoji referendum i na razine kantonov i opčin. Popis predmetov protiv tere se referendum more pokrenuti, gustokrat je dukši neg na savezne razine. Na priliku, v više kantonov postoji mogučnost financijskoga referenduma (za izdatke teri prelaze određeni iznos).

Na stranicam kantonov more se proveriti protiv čega se, vuz tere pretpostavke, more pokrenuti referendum.

Zvir:
https://www.ch.ch/de/referenden/

* * * * * * * * * * * * * * * * * * * * * * * *

Max Lässer & das Überlandorchester – “Voralpeglüe, 07:29