Pregled tisKAJna
Varaždinske vesti, br. 3598, 17.12. 2013.

Piše prof. Barica Pahič

Kaj zazefci niesu drugi i drukčeši? Kaj morti nemaju praf biti drugi i drukčeši zate kaj jih urbani nemreju smisliti pa moreju biti diskriminirani, i gda su vu večini. I tak naprednjaki pokažeju svoje drugo lice, a se tuo  postane nie same smiešne, neg i uvredljive. Kaj tuo nie, fiškalski vučene rečene – contradictio in adjecto? Ili po našem – protivne v samemu sebi. Nekaj kak dreveno željezo ili vodeni zrak! Ili je nekaj drevene ili željiezne. Drieve nemre biti željiezne, a tolerancija nemre biti netolerantna.
I kak raščistiti tu zmešariju? Ili zmeniti parolu, ili zmeniti narod.

Tuo z referendumom okoli ustavne definicije braka nieje gotove. O tem se još vodiju vučene rasprave. A prie par dni čula sem spomenek troje raznorodnih ljudi  o tem kak su  glasali. Jedna je ženska rekla da su tuo bedastoče i da je nie odišla glasat. Druga je rekla da je ona bila protiv za protiv, a muški je opet bil za protiv za. Jasne kaj pekmez! Morti se ne vupaju otkriti kam zapraf spadaju. Priča o referendumu se jake zmiešala i zvuzlala. Još se prebrojavljeju zazefci i protifci.

Pervi su i dalje ostali primitifci, netolerantni nazadnjaki, ruralci, drugač rečene seljaki i homofobi šteri žive po kojkakvimi “vukojebinami” (pisale je v jenimi novinami), ili su se z njih doselili v grad, ali su mentalno još vu “vukojebinami”.Protifci pak su tolerantni, homofili i urbanizierani ili pravi gracki ljudi i pravi naprednjaki. Napredni su glasali protiv diskriminacije (odjeljivanja i oduzimanja ljudskih prava) i za toleranciju (trpeljivost, obzirnost) prema “drugim i drukčijim”.

Se tuo kaj sem čula i sprečitala na tu temu meni se zmiešale v glave i kaj sem prie zmešariju štiela razvuzlati, tuo mi je bile težeše. Kaj su nazadnjaki si šteri su i prie šezdeset liet došli z sela? Onda su i člani vladajučih nazadnjaki ak su rođeni na selu? Ili su po članstvu automatski naprednjaki? Mene muči i tuo kak se naprednim more deržati onie kie je protif drugih i drukčeših. A rieč PROTIV je zgovarana na TV-u, pisana po novinami, naslikavana po majicami (tiem po cecki) i zgovarjale su ju fnuege urbanizierane i poznate face, pogotove političke. Od zgora do dola. Fnuegi ipak niesu došli na te da vu semu tomu nekaj ne štima. Se več ljudi, pa morti i pune protifcev, se oseča uvređene jer jih  deržiju za  menj vredne zate kaj su rođeni na selu i nemreju biti jednaki grackimi (urbanemi, v drugem kolenu).

Kaj zazefci niesu drugi i drukčeši? Kaj morti nemaju praf biti drugi i drukčeši zate kaj jih urbani nemreju smisliti pa moreju biti diskriminirani, i gda su vu večini. I tak naprednjaki pokažeju svoje drugo lice, a se tuo  postane nie same smiešne, neg i uvredljive. Kaj tuo nie, fiškalski vučene rečene – contradictio in adjecto? Ili po našem – protivne v samemu sebi. Nekaj kak dreveno željezo ili vodeni zrak! Ili je nekaj drevene ili željiezne.Drieve nemre biti željiezne, a tolerancija nemre biti netolerantna. Kak bile da bile, ja priznajem da sem prie 55 liet došla z sela i da sem uvređena.I kak raščistiti tu zmešariju? Ili zmeniti parolu, ili zmeniti narod.

Zvir:
http://varazdinske-vijesti.hr/kaj-je-nase-pitanje-i-nas-odgovor/drugi-i-drukcesi-med-nami-ili-contradictio-in-adjecto.html
i(l)
str. 49. sim
http://varazdinske-vijesti.hr/pdf/3598.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1

* * * * * * * * * * * * * * * * * * * * * * * * * * * * * *

TEREZA KESOVIJA – Popevka za ljubav (KRAPINA ’93), 03:35