Švicarci v nedelu 9.2.’14. na referendumu odlučuju jel oču ograničiti broj vuselenikov v svu zemlu
Istodobno se buju izjasnili o još dva referendumska pitaja – o financerajnu i razvoju železničke infrastrukture (FABI), ter o inicijative po tere je financerajne pobačaja privatna stvar(a ne da to pokriva obavezno osnovno zdravstveno osiguranje)
Švicarci v nedelu idu na prvi ovoletni referendum, na teromu buju odlučivali o tomu jel oču ograničiti broj vuselenikov v svu zemlu. Isti bi, ovisno o rezultatu, mogel imati dalekosežne posledice po status jene od najbogateše držav sveta.
Referendum pod nazivom “Ne masovnomu vuselavajnu” organizera Švicarska narodna stranka (SVP), pojedinačno najjakša politička opcija v švicarskomu parlamentu, poznata po svemi konzervativni, antiimigracijski, pa i ksenofobni stajališči. Išču referendum o ponovne uvedbe kvot za strance teri se smeju vuseliti v Švicarsku, ali i za prekmejne (prekgranične) težake, iskatele azila i izbeglice, kajti trde da je baš porast broja vuselenikov dopelal do “betega” švicarskega društva teri se ogleda v gubitku vredne obradive zemle, prenapučenosti, preopterečenom javnomu prevozu, povekšajnu cene dela, poraščejnu kriminala, zloporabe iskajna azila i “gubitku nacionalnoga identiteta”.
Švicarska je 2007. ukinula kvote za strane težake, a BBC je vundal da je v ovomu predlogu reč o ponovne uvedbe kvot, odnosno ograničavajnu broja dozvol boravka na 2000 na leto za državlane držav z skupine “A8”, tere su v EU vlezle 2004.
“Neču živeti kot sardine v konzerve”, povedal je za tabloid Blick neovisni političar Thomas Minder*, zagovaratel inicijative.
* Thomas Minder je na zebirajnu za Švicarca leta 2013. pobedil v kategorije “Politika”. Poduzetnik je i večnik maloga (kantonalnoga) doma, z kantona Schaffhausen (nezavisni), inicijator „ograničenja plač i otpremnin menadžerov v kompanijam tere su zlistane na burze“, tera su lani usvojena z velikum večinom i zezvala politički potres.
* * * * * * * * * * * * * * * * * * * * * * * * * * * * * *
Velika večina švicarske političke strank i vlada v detele celine apeleraju na građane da glasuju “ne” na referendumu, a nedavno su im se v tomu nastojajnu pridružili Švicarska vudruga poslodavcov i organizacije tere predstavlaju poloprivrednike, proizvođače vur, hotelsku industriju, osiguravajuče hiže, industriju strojov i tekstila, bolnički i informatički sektor ter znanstvene kruge.
* * * * * * * * * * * * * * * * * * * * * * * * * * * * * *
Vlada je građane pozvala i na odhitavajne još jenoga referenduma teri se bavi pitajnem vuselavajna – letos buju se Švicarci izjašnavali i o inicijative organizacije za zaštitu okoliša Ecopop tera okoliš i prirodne resurse kani štititi ograničavajnem vuselavajna na 0,2 posto vukupnoga letnoga prirasta stanovništva.
To pre toga još treba raspraviti i parlament, baš kak i pitajne o tomu da se sloboda kretajna ludi preširi i na Hrvatsku, članicu EU od 1. srpna 2013., o čemu je Švicarska narodna stranka (SVP) več najavila da bu inicerala referendum.
* * * * * * * * * * * * * * * * * * * * * * * * * * * * * *
Obširneše:
3 referendumska pitajna 09.02.2014.
1. Savezna odluka (predlog zakona) o financerajnu i razvoju železničke infrastrukture (FABI)
Referendumsko pitajne glasi:
Očete privatiti saveznu odluku (predlog zakona) od 20. lipna 2013 o financerajnu i razvoju železničke infrastrukture? (Direktni protupredlog povlečene narodne inicijative “Za javni prevoz”)”2. Narodna inicijativa „Financerajne pobačaja je privatna stvar“
Referendumsko pitajne glasi:
“Očete privatiti narodnu inicijativu “Financerajne pobačaja je privatna stvar – rasterečejne zdravstvenog osiguranja brisanjem troškov pobačaja z obveznoga osnovnog osiguranja”?“3. Narodna inicijativa „Protiv masovnoga vuselavajna“
Referendumsko pitajne glasi:
“Očete privatiti narodnu inicijativu „Protiv masovnoga vuselavajna“?
Zabrajneno plakati(rajne)
Plakati Švicarske narodne stranke (SVP)…
… (i) za incijativu „Protiv masovnoga vuselavajna“
(http://www.masseneinwanderung.ch/ )
* * * * * * * * * * * * * * * * * * * * * * * * * * * * * *
Plakat protiv incijative „Protiv masovnoga vuselavajna“
* * * * * * * * * * * * * * * * * * * * * * * * * * * * * *
Delo na vide(l)o
1. Savezna odluka (predlog zakona) o financerajnu i razvoju železničke infrastrukture (FABI)
FABI-Vorlage – Abstimmungen vom 9. Februar 2014, 03:45
https://www.youtube.com/watch?v=f02rFJHf9DA* * * * * * * * * * * * * * * * * * * * * * * * * * * * * *
2. Narodna inicijativa „Financerajne pobačaja je privatna stvar“
Abtreibungsfinanzierung – Abstimmungen vom 9. Februar 2014, 03:34
https://www.youtube.com/watch?v=JjrNUzc9r-4
3. Narodna inicijativa „Protiv masovnoga vuselavajna“
Masseneinwanderungsinitiative – Abstimmungen vom 9. Februar 2014, 04:24
