Varaždinska knjižnica, štera je med pervima v Liepe Naše (od 1836.), denes nosi ime svojega osnivača Metela Ožegovića, v one vrieme svestrane obrazovanega i poštovanega intelektualca, uglednika i dobrotvora, šteri ni deloval same vu Varaždinu, neg i v Pešti i Beču i čija mišljenja su uvažavale i najvišeše inštancije ondašnje vlasti. Njemu je 8. svibnja Knjižnica obilježavala 200. oblietnicu rođenja.

………

Varaždinske vesti, br. 3620, 20.05. 2014.

Piše Barica Pahič

Pišem i radi usporedbe njegve brige za kulturni razvoj svojega naroda i delovanja denešnjih političarov i tajkunov šterim je kultura “deveta rupa na svirali”. Fnogi (tega sme denes svedoki) grabiju same za sebe. I javne i potajne! Ak mi kie imenuje i dokaže za jenega našega denešnjega močnika i bogatuna da je dal napraviti bar jenu siem dostupnu škuolu s penezima z svega žepa, a nie na dug i nie na račun poreznih obveznikov, od mene dobi cielu jednu moju mirovinu. Obogatil se nebu, ali za mesečne režije bu imel.

Pervih dnevov svibnja meseca varaždinske novine su pisale o tem kak se Varaždin bu kandidieral za europsku priestolnicu kulture. Maribor je tuo od lani. Sledeči bi mogel biti Varaždin, ali kak ima i drugih kandidatov, se ovisi o tem šteri bu imel jakši lobi, protekciju med političari. Varaždin ima jake razloge za tu čast: stara gradska struktura, barokni graditeljski štih (cirkve i palače), kazališče starejše od zagrebačkega HNK-a, Varaždinske barokne večeri, bogati kulturni život (jedna od pervih gimnazija v Hervatski), brojne srednje i visoke škuole i sveučilišče, negdašnje političke središče ( “Mali Beč”), grad tri put proglašen kak najuređeniji grad kontinentalne Hrvatske i se tak do knjižnice štera je takaj med pervima v Liepe Naše (od 1836.). A ona denes nosi ime svojega osnivača Metela Ožegovića.

Njemu je 8. svibnja Knjižnica obilježavala 200. oblietnicu rođenja. Prof. Jasminka Štimec je za tu prigodu vredila izložbu dokumentov o njegvem življenju i delovanju. Svečanest je otprl ravnatelj Mario Šoštarić. Govoril je o začetkima Knjižnice, razvoju, promenami njejnega imena i denešnji problemi. Zmislil nas je i na jake ambiciozni projekt nuove knjižnice, predstavljen prie več let, od šteroga do denes nikaj. Morti bu aktivierani, ak bi Varaždin dobil čast šteri se nada. Onda je dr.sc.Vladimir Huzjan predstavil rezultate istraživanj o življenju i delovanju M. Ožegovića, v one vrieme svestrane obrazovanega i poštovanega intelektualca, uglednika i dobrotvora, šteri ni deloval same vu Varaždinu, neg i v Pešti i Beču i čija mišljenja su uvažavale i najvišeše inštancije ondašnje vlasti. Prigodnu poštansku omotnicu sa žigom velike oblietnice predstavil je Josip Jelenečki z Kluba kolekcionara. Svečanest su uveličali i mladi glazbeniki Filip Vincek i Benjamin Jagec.

Ne pišem ove same radi kulturnega i dobrotvornega delovanja M. Ožegovića i njegvega doprinosa tomu kaj se Varaždin v 21. stolietju more kandidierati se za europsku priestolnicu kulture, neg radi usporedbe njegve brige za kulturni razvoj svojega naroda i delovanja denešnjih političarov i tajkunov šterim je kultura “deveta rupa na svirali”. Fnogi (tega sme denes svedoki) grabiju same za sebe. I javne i potajne! Ak mi kie imenuje i dokaže za jenega našega denešnjega močnika i bogatuna da je dal napraviti bar jenu siem dostupnu škuolu s penezima z svega žepa, a nie na dug i nie na račun poreznih obveznikov, od mene dobi cielu jednu moju mirovinu. Obogatil se nebu, ali za mesečne režije bu imel..

Zvir:
http://varazdinske-vijesti.hr/kaj-je-nase-pitanje-i-nas-odgovor/priestolnica-europske-kulture-i-metel-ozegovic.html
i(l) str. 23 sim:
http://varazdinske-vijesti.hr/pdf/3620.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1

* * * * * * * * * * * * * * * * * * * * * * * * * * * * * * * * * * * * * * * *

Nenad Kumrić CHARLIE, Kvartet Varaždin i Carevi – Ja sem Varaždinec (Lijepom našom), 03:12