Navuk: po krivici preterpljena zbantuvanja nemoreju se lehko pozabiti.
* * * * * * *
Basna 24.
Kača i muž
Muž, raserdivši se jednoč na kaču koju je doma odgojil, je nju z dignjenum batinum preganjal. Kača lehko ranjena je se vmeknula. Od ovoga časa je dospel muž vu veliko siromaštvo i zrok svoje nesreče je prepisaval zlobaratanju koje je kači zavdal.
On ju je nazad išel iskat i prosil nju da bi se vu njegvu hižu nazad povernula. Kača se je spričavala i rekla da se ona ni moguča k tomu odlučiti pokehdob ona z takvem nepočinjenem človekom ni moguča v jedinosti živeti. Moje rane, reče nadalje, jesu zadnjič zacelele, ali spomenek iz tvoje krvoločnosti nemorem vu serdcu skončati.
Navuk
Po krivici preterpljena zbantuvanja nemoreju se lehko pozabiti.
+ + + + + + + + + + + + + + + + + + + + + + + + + + + + + + + + + +
Baszna 24.
Kacha y mus.
Mus, razszerdivshi sze jednoch na kachu, koju je doma odgoil, je nyu z-dignyenum batinum preganyal. Kacha lehko ranyena je sze vmeknula. Od ovoga chasza je dozpel mus vu veliko sziromastvo, y zrok szvoje neszreche je prepiszaval zlobaratanyu, koje je kachi zavdal.
On ju je nazad ishel izkat, y proszil nyu, da bi sze vu nyegvu hisu nazad povernula. Kacha sze je zprichavala y rekla, da sze ona ni mogucha k-tomu odluchiti, pokehdob ona z-takvem nepochinyenem chlovekom ni mogucha v jedinozti siveti. Moje rane, reche nadalye, jeszu zadnyich zaczelele, ali zpomenek iz tvoje krvolochnozti nemorem vu szerdczu zkonchati.
Navuk
Po kriviczi preterplyena zbantuvanya nemoreju sze lehko pozabiti.
———————————————————————————
muž – muškarac, čovjek, seljak; kača – zmija; dignjen – podignut; lehko – lako; vmeknula se – maknula se, od vmeknuti se – ugnuti se, maknuti se; zrok – uzrok; zlobaratanje – loše postupanje; spričavala se – izgovarala se, od spričavati se – izgovarati se; ni moguča – ne može; pokehdob – budući da; nepočinjen – loš, zao; jedinost – zajedništvo; zadnjič – za kraju; zacelele – zacijelile, od zaceleti – zacijeliti; skončati – poništiti
EZOPUŠEVE BASNE POHORVATČENE po IGNACU KRISTIANOVIČ (3)
Priredil: JOŽA SKOK
Recenzenti:
dr. se. Ivo KALINSKI ,
dr. se. Mijo LONČARIĆ
Nakladniki
Nakladnička hiža “TONIMIR”, Varaždinske Toplice
OGRANEK MATICE HRVATSKE, Varaždin
http://trnac.net/2012/10/04/ezopuseve-basne-pohorvatcene-po-ignacu-
Zagorski mušketiri (P)oštar Ivek, 03:10
