Premišlavanje Jožeka radnika, 23.01.2015.
Ide i Tito z Pantovčaka
Bist(r)ički bogec (Brozec) seli na Šloserove stub(ičk)eČrez mesec dni se drug Tito seli z Pantovčaka. Najte me nikaj čudno gledati, kaj ste pozabili kaj je Ivo rekel: Tak dugo dok je on tam bode i drug Tito žnjim, a ve on ide, pak bode brzčas i drug Tito odišel žnjim. Najgerek sam kam bode itak odišel drug Tito? Je li bode i on odišel na Faks za pravico (mortik i tam nucajo šlosara) ili pak bode ostal v politiki gde je navek i bil? No, ne kanim se pravzaprav zbogradi toga preveč sekerati, za Fašnik bodemo vse znali. A Fašnik je ne preveč dauko.
ZVONA, Mesečni list čakovečke žup,
GREGURJEVŠČAK (SUŠEC, PROTULETNJAK, OŽUJEK) 2015.
NEKAJ ZA ČAS KRATITI
Pak je Joži ne mesto polek Lojzeka!!!
(LK: Josip „Kraš(ić)“ vs. Krašič)
Zna se da je Joža (čitaj: Tito) spravil Lojzeka v rešt za nekaj kaj je ne napravil v drugomo rato i to nejpredi v pravi rešt, a posle v hižni v Krašičo i to je, na vse zadje, Lojzeka i na groblje posprajlo. Pak to naša precednica jako dobro zna.
Več kak pol onih (ili nas) šteri v cirkvo hodajo (hodamo) je svojega glasa dalo nezerenošo Ivijo, bar prinas v Međimorjo. To več vsi znajo i ne sam v Lepoj našoj nek i po celomo belomo sveto. A i vrapci o temo popevlejo po drevjo i žljebjakima. Kaj se izborov dotikavle tu je vse jasno jerbo je nezerenoš Ivo spraznil Pantovčaka tak da ve precednica Kolinda drži vu svojimi rokami cugle vlasti v Lepoj našoj. Ve pak tu imamo još jedno nevolo: drug Tito je još navek na Pantovčako, a polek jega je, za ve, blaženik Lojzek Stepincov. Vsi znamo kak je z Titijom: za jega se grable večni precednik, Štefek Mesičov, a i do fčerašji nezerenoš Ivo.
Nekaj sam mel za čuti da so došle i tri moljbe z Međimorja na Pantovčak kaj bi dali Titija k nam v Međimorje na kvartelj ak ga nišči drugi neče. Moljbe so došle z Čakovca, Miholjana i Vanovca i unda bo nešči mene na red pobiral kak je naše Međimorje ne malo, lepo i črleno.
Kak bilo da bilo Titija tre nekam sraniti jerbo mo nikak nebre biti mesto polek našega Lojzeka. Zna se da je Joža (čitaj: Tito) spravil Lojzeka v rešt za nekaj kaj je ne napravil v drugomo rato i to nejpredi v pravi rešt, a posle v hižni v Krašičo i to je, na vse zadje, Lojzeka i na groblje posprajlo. Pak to naša precednica jako dobro zna.
No, nebremo reči da so Titijom same nevole. Najme kaj, na ovoletošjoj Veronaučnoj olimpijadi vu Zagrebečkoj nadbiskupiji pak so nejbolši bili đaki z pučke škole Jožek Broz Tito i to z Kumrovca. Da čovek ne poveruje. Kuliko vidimo čim se je v Kumrovco vgasnula partiska škola deca so znova počela v cirkvo i na veronauk hoditi, makar jif tam drug Joža gledi, broji i zapišuvle. Pak i Tito je hodal v cirkvo i na veronauk dok je bil mali, očem reči, dok je bil sam Jožek Brozov, ali je posle zglajzal dok je postal Tito. On je odišel levo, a Božeka je ostavil na desni strani.
Nejvekša vuzmena spoved je vu čakoski stareši farni cirkvi Svetoga Mikloša biškupa na Veliko sredo, pak je to zadja prilika kaj vsi, šteri so svoje glase dali nezerenošo Ivijo (Josipovičovomo), dojdo na spoved i predi Vuzma se rešijo toga terha na srco i vrnejo mira v duše.
Vsi znamo da za vreme vuzmene spovedi i župniki imajo akcije pak so i pokore čuda menše. Znajo župniki da tre dati šanso vsima nama šteri smo zglajzali jempot, dvapot, vejčpot, očem reči, skorom vsaki den, kaj se nazaj vrnemo na pot šteroga nam je pokazal i po šteromo nas je vučil hoditi naš dragi Božek. Prosim vas lejpo kaj ne bo zišlo, kak lani vu jedni naši cirkvi, kaj je bilo vejč velečasnikov nek grešnikov, očem reči, kaj ne bodo župniki bole najgerek za spoved kak mi šteri se očemo i moramo pomiriti z dragim Božekom kak bi pripravleni dočakali Vuzma i vuzmeno jutro. Pak nebremo brez jutrašnje meše, na šteroj se bodemo znova pomirli z Božekom, si sesti za stol i hapiti se zajtrekovati blagoslovljene dobrote i finote z vuzmene korpice. Vse ima svojega reda. Srečnoga vam Vuzma želem kaj ga dočakamo onak kak nam dragi Božek zapoveda i unda moremo računati i na jegov blagoslov!
P.S. Prosim vas, najte se preveč dugo zadržavati pre vuzmeni korpici jerbo so vam jako velike stiske na našoj Hitnoj ak se bodete prenajeli. Jejci napuhavlejo!
Vuzem se svetkuje dva dni tak da i korpica mora tak dugo zdržati.
Vaš Tonček
* * * * * * * * * * * * * * * * * * * * * * * * * * * * * * * * * * * * * *
Zvir:
ZVONA, Mesečni list čakovečke žup,
Leto XVIII, br.3, ožujek 2015. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/ , http://www.ofm.hr/zupa_cakovec_jug/
Naklada 750 primerkov
* * * * * * * * * * * * * * * * * * * * * * * * * * * * * * * * * * * * * *
Kajkavski v cirkvam
Velečâsni Ivan Hrâstovičov, župnik v Loboru v Hrvackomu zâgorju, sě z svemi meštani spomina(l) kajkavski i, ke jě posebno vâžno, na mešami propovéda(l) na kajkavskomu jeziku.
http://www.zagorje.com/articles/2340/show.aspx
* * * * * * * * * * * * * * * * * * * * * * * * * * * * * * * * * * * * * *
KAJKAVSKA VEČERNICA I MEŠA
a)
pdf oblik (zvirni oblik, z ilustrâcijam):
http://www.pou-zelina.hr/documents/Izdavastvo/51_Kajkavska_vecernica.pdf
b)
editérajuči oblik (ně baš lépo posložen, bez ilustrâcij)
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4294/#msg4294
c) Video:
Kajkavska večernica z mešum: KAJ v Zeline 2008. i 2009.
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg21820/#msg21820
Na priliku z leta 2008. (1/5):
Kajkavska večernica KAJ v Zelini 2008. 01, 15:00
http://www.youtube.com/watch?v=rImSspAN8xk
Dunja Knebl – Dej mi, Bože, oči sokolove, 02:20
